5 عادات مشتركة لكل الأغنياء فى العالم !

بيقولك يا سيدي رجال الأعمال الأغنياء ليهم عادات ثابته , بغض النظر عن اختلافهم في تفاصيل كتيرة , وده حسب تقرير أعدته مجلة فوربس الرائدة في مجال الأعمال , اللي لقت صفات شخصية مشتركة في كل رجال الأعمال الأغنياء علي مستوي العالم و منها :

1- القراءة باستمرار

63٪منهم بيسمعوا كتب مسموعة أثناء القيادة.
79٪ منهم بيقرأوا كتب تتعلق بتخصصهم المهني.
55٪ منهم بيقرأوا كتب عن التطوير الذاتي.
58٪ منهم بيقرأوا سير ذاتية لنجاح رجال أعمال آخرين.
94٪ منهم بيقرأوا عن الأحداث اليومية.
51٪ منهم بيقرأوا عن التاريخ.
فقط 11٪ منهم بيقرأوا بهدف الترفيه زي الروايات

2- السوشيال ميديا مش في جدول أعمالهم

63٪ من الأغنياء في العالم بيقضوا أقل من ساعة يوميًا على الإنترنت إلا إذا كان استخدامهم للإنترنت له علاقة بالعمل، وبيقضوا وقت فراغهم في تطوير نفسهم، وصناعة العلاقات، والعمل التطوعي .

3- بيحسبوها بالمليم

ناس كتير بتتخيل ان رجال الأعمال بيصرفوا من غير حساب . بالعكس , نصائح الأغنياء في عادات الإنفاق بتقول أن على الشخص العادي أنه مايصرفش أكترمن 25٪ من دخله على السكن سواء كان إيجار أو تمليك ومش أكتر من 15٪ من دخله على الطعام والشراب و 10٪ على المرح والرحلات والسفر ولازم يستثمر يستثمر من دخله ما لا يقل عن 15٪ في مشاريع ربحية.

4- ليهم مثل أعلي

معظم الأغنياء عندهم شخص بيمثلهم القدوة والمثل الأعلى في حياتهم المهنية، بيكونوا على تواصل معاه باستمرار وبيستشيروه في أمورهم الشخصية والمهنية دايما، الفكرة دي مش سهلة وبتاخد وقت و مجهود لأن الأشخاص اللي بيقدموا مساعدة لغيرهم بصدق مش كتير، من فوايد المثل الأعلي ده :
– تجنب الأخطاء اللي وقع فيها المثل الأعلي في حياتهم المهنية.
– التشجيع والتحفيز خصوصا في الأوقات الصعبة.
-المساعدة في تكوين العلاقات وإيصالهم بالأشخاص المناسبين لمساعدتهم في حياتهم المهنية.

5- لا تراجع ولا استسلام

مفيش استسلام , مفيش حاجة اسمها حظ عندهم , مفيش شماعة بيعلقوا عليها أخطائم , زي الظروف و المعيشة الصعبة و البلد !